Gonxhja takim me homologen greke: Nis së shpejti restaurimi i banesës së Faik Konicës

Lajmin e bëri të ditur ministri i Turizmit, Kulturës dhe Sportit, Blendi Gonxhja pas takimit dypalësh në bashkinë e Prespës me ministren e Kulturës të Greqisë, Lina Mendoni, ku e pranishme ishte edhe ambasadorja e Shqipërisë në Greqi, Luela Hajdaraga.


Së shpejti do të nisin punimet për restaurimin e banesës së Faik Konicës, në fshatin Konicë në Greqi, pas sigurimit të fondeve dhe njohjes së saj si objekt me vlerë historike dhe kulturore.

Lajmin e bëri të ditur ministri i Turizmit, Kulturës dhe Sportit, Blendi Gonxhja pas takimit dypalësh në bashkinë e Prespës me ministren e Kulturës të Greqisë, Lina Mendoni, ku e pranishme ishte edhe ambasadorja e Shqipërisë në Greqi, Luela Hajdaraga.

Gonxhja e cilësoi restaurimin e banesës së Konicës si një hap të rëndësishëm për ruajtjen e trashëgimisë kulturore dhe kujtesës së një prej figurave më të shquara të mendimit, letërsisë dhe diplomacisë shqiptare.

Sipas ministrit, Ministria e Kulturës së Greqisë ka konfirmuar statusin e banesës si objekt me vlerë historike dhe kulturore, si dhe sigurimin e fondeve për restaurimin e saj.

Në fokus të takimit ishte edhe avancimi i marrëveshjes për rikthimin në Shqipëri të dy objekteve arkeologjike nga Butrinti, të sekuestruara në Greqi që prej vitit 2002, si dhe forcimi i bashkëpunimit për parandalimin e trafikimit të paligjshëm të pasurive kulturore.

Palët diskutuan gjithashtu mundësinë e mbështetjes nga pala greke për restaurimin e Kishës së Shën Nikollës në Mesopotam dhe pikturave të saj murale.

Një tjetër çështje e trajtuar ishte zgjerimi i Memorandumit të Bashkëpunimit të vitit 2022, me synim përfshirjen e kërkimeve dhe gërmimeve arkeologjike në Parkun Arkeologjik të Finiqit, restaurimin e ikonave dhe objekteve të trashëgimisë kulturore, si dhe organizimin e trajnimeve profesionale për restauratorët në Selanik.

Bashkëpunimi mes dy vendeve pritet të shtrihet edhe në fushën e artit dhe kulturës bashkëkohore, përmes shkëmbimeve dhe aktiviteteve të përbashkëta ndërmjet teatrove dhe operave kombëtare të Shqipërisë dhe Greqisë.

Takimi synon të forcojë bashkëpunimin kulturor dypalësh, duke vendosur në fokus ruajtjen e trashëgimisë historike, mbrojtjen e pasurive kulturore dhe zhvillimin e projekteve të përbashkëta në fushën e artit.

Rama në Forumin e Paqes në Paris, takim dypalësh me Macron

Kryeministri Rama po merr pjesë në Forumin e Paqes në Paris, me ftesë të presidentit të Francës, Emmanuel Macron.

Global 360

Kosova dhe Italia konfirmojnë partneritetin në fusha me interes të përbashkët

Presidentja Justina Shiroka-Pula priti ambasadorin e Italisë në Kosovë, Maurizio Antonini

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Rama në Forumin e Paqes në Paris, takim dypalësh me Macron

Kryeministri Rama po merr pjesë në Forumin e Paqes në Paris, me ftesë të presidentit të Francës, Emmanuel Macron.