Këshilli i Ministrave vendosi sot përcaktimin e masës së financimit për projektin “Ekipet Sportive në Shkolla” në kuadër të lëvizjes olimpike shqiptare dhe për aktivitete në kuadër të ndërkombëtarizimit të sporteve të Komitetit Olimpik Kombëtar Shqiptar (KOKSH).

Qeveria miratoi masën e financimit prej 1 058 000 000 (një miliard e pesëdhjetë e tetë milionë) lekë, të projektit “Ekipet sportive në shkolla”, në kuadër të lëvizjes olimpike shqiptare të Komitetit Olimpik Kombëtar Shqiptar (KOKSH), dhe financimin, në masën 200 000 000 (dyqind milionë) lekë, të projektit “Ekipet sportive në shkolla”, në kuadër të lëvizjes olimpike shqiptare të Komitetit Olimpik Kombëtar Shqiptar (KOKSH).

Sipas vendimit të Qeverisë, masa e financimit ndahet si në 250 000 000 (dyqind e pesëdhjetë milionë) lekë nga fondet buxhetore të vitit 2022; 350 000 000 (treqind e pesëdhjetë milionë) lekë nga fondet buxhetore të vitit 2023; 150 000 000 (njëqind e pesëdhjetë milionë) lekë nga fondet buxhetore të vitit 2024; 200 000 000 (dyqind milionë) lekë nga fondet buxhetore të vitit 2024, për projektin “Ekipet sportive në shkolla”, dhe për aktivitete në kuadër të ndërkombëtarizimit të sporteve; 308 000 000 (treqind e tetë milionë) lekë nga fondet buxhetore të vitit 2025, për projektin “Ekipet sportive në shkolla”, nga të cilat 298 000 000 (dyqind e nëntëdhjetë e tetë milionë) lekë për projektin “Ekipet sportive në shkolla”, dhe 10 000 000 (dhjetë milionë) lekë për shahun, pjesë e të njëjtit projekt”.

Për zbatimin e këtij vendimi ngarkohen Ministria e Arsimit dhe Sportit dhe Komiteti Olimpik Kombëtar Shqiptar.

Ky vendim hyn në fuqi pas botimit në “Fletoren zyrtare”.

Burimi ATSH