“Arritja më e madhe si një zyrtar është e mira e popullit. Të mendosh ato që mendojnë masat popullore dhe të shqetësohesh për ato që shqetësojnë masat popullore, në mënyrë që jeta e popullit të bëhet më e lumtur dhe e kënaqshme.”

Fjala “popull” ka një rëndësi jashtëzakonisht të madhe në zemrën e Xi Jinping-ut.

Qysh prej vitit 2012, kur u zgjodh sekretar i përgjithshëm i KQ të PKK-së në Kongresin e 18-të të kësaj partie, Xi ka bërë mbi 100 inspektime në bazë, për të njohur nga afër shqetësimet e banorëve të thjeshtë, shumë prej të cilave u përfshinë më vonë në rendin e ditës të mbledhjeve të rëndësishme qendrore dhe u bënë fokus i reformave.

Në dokumentin e miratuar në plenumin e 3-të të Komitetit Qendror të zgjedhur në Kongresin e 20-të të PKK-së në korrik 2024, me titull “Vendimi i KQ të PKK-së për thellimin e mëtejshëm të reformës së gjithanshme për nxitjen e modernizimit kinez”, fjala “popull” përmendet 46 herë, duke theksuar “përgjigjen ndaj kërkesave të popullit nëpërmjet reformës”.

Për të hartuar propozimet për Planin e 15-të Pesëvjeçar, Xi theksoi “integrimin e projektimit të nivelit të lartë me dëgjimin e zërit të popullit” dhe “mosharrimin e synimit fillestar, duke e mbajtur të mirën e popullit si drejtimin thelbësor të vlerave”.

“Duhet ta bashkojmë zemrën tonë me atë të popullit, të ndajmë gëzimet e hidhërimet me popullin, të luftojmë duke u solidarizuar me popullin dhe të punojmë me zell për popullin ditë e natë, që të përpiqemi t’u japim historisë dhe popullit një përgjigje të kualifikuar.”

Burimi CGTN