Kryeministri Edi Rama, njëherazi kryetar i Partisë Socialiste në fjalimin e fitores së zgjedhjeve të përgjithshme të 11 majit, mbrëmjen e së mërkurës në Sheshin Skënderbej në Tiranë, shprehu mirënjohje të thellë për të gjithë shqiptarët dhe bëri një falënderim të veçantë për familjarët e tij.

“Edhe pse numërimi vazhdon është shumë e qartë që shumica jashtë kufijve të Shqipërisë, mendon njësoj si shumica brenda kufijve për Shqipërinë, që ecën në drejtimin e duhur dhe për Shqipërinë 2030 në BE, me ne të gjithë së bashkua me mua dhe PS-në. Kjo do të thotë shumë për mua, dhe kjo do të thotë shumë për ne të gjithë dhe nuk di si t’i falënderoj të gjithë sa dhe si duhet. Faleminderit, faleminderit, aq herë faleminderit sa ka shqiptarë nën këtë qiell, nga ata që ngrihen të parët fare, pa u gdhirë për të punuar tokën dhe deri tek ata që nuk venë gjumë në sy deri sa gdhihet për ta mbrojtur këtë tokë. Sepse në radhë të parë falë tyre shumica dërmuese e shqiptarëve votoi për një Shqipëri, që ata e dinë më mirë se kushdo, bëhet gjithnjë e më e mirë”.

Rama falënderoi gjithashtu bashkëshorten Linda Rama, të cilën e quajti “shtylla që mban këndet e tavanit”, si dhe fëmijët e tij Rea dhe Greg, për qëndrimin e tyre larg zhurmës politike.

“Edhe këtë herë, njësoj si herën e shkuar, ime më Aneta nuk më ndoqi si hije dashurie pa kushte në atë pozicionin e saj legjendar para televizorit, si një llogore lufte, deri në ditën që iku të ribashkohet me tim atë. Po duke qenë se dhe këtë herë të dy u tërhoqën heshtur nga varri në fushatën e mosozotshme nga mosozotshmit, duhet t’u them t’i ma bëjnë hallall dhe janë krenarë për mua dhe kanë krenarë për Shqipërinë që ne të gjithë së bashku po ndërtojmë, ndërkohë që unë jam sot përsëri shumë krenar për Rean dhe për Gregun që vazhdojnë të mos na shkaktojnë asnjë dhimbje koke, që vazhdojnë jetën jashtë çdo marrëdhënie në konflikt interesi duke duruar, sidomos Rea, agresione verbale. Uroj të jeni ju krenarë me punën time sot dhe inshalla me gjurmën e punës sime nesër”, tha Rama.

Burimi ATSH