Pasditen e 13 majit, Peng Liyuan, bashkëshorte e Presidentit Xi Jinping dhe Rosangela Lula da Silva, bashkëshorte e Presidentit të Brazilit, vizituan Teatrin Kombëtar të Kinës.

Ato vizituan së bashku arkitekturën e brendshme të teatrit dhe më pas ndoqën ekspozitën artistike “Skena e Pafundme”, ku u njohën me punën e bërë për shkëmbimet kulturore ndërkombëtare dhe përhapjen e arteve.

Pas vizitës, Peng Liyuan e ftoi Rosangelan të ndiqnin shfaqjen me vepra klasike dhe këngë kineze e braziliane, në një atmosferë të ngrohtë dhe miqësore. Peng u shpreh se Kina dhe Brazili janë dy vende të mëdha kulturore. Vitet e fundit, ato kanë pasur shkëmbime kulturore aktive, duke thelluar mirëkuptimin dhe miqësinë e ndërsjellë midis dy popujve. Shpresojmë që të dyja palët të mund ta ruajnë këtë prirje të mirë dhe të nxisin mirëkuptimin dhe miqësinë mes tyre.

Foto nga Xinhua

Rosangela e falënderoi Peng për pritjen e ngrohtë dhe të hollësishme, duke vlerësuar performancën e mrekullueshme të këngëtarëve. Ajo vlerësoi arritjet në zhvillimin dhe kulturën e pasur të Kinës, duke shprehur gatishmërinë për të nxitur shkëmbimet kulturore mes dy palëve dhe për të vazhduar të kontribuojë në thellimin e miqësisë Brazil-Kinë.

Burimi CGTN