Këndi i Sigurisë Rrugore për Fëmijë, në Tiranë, tashmë prej 2 vitesh mirëpret fëmijët e grupmoshave të ndryshme që mësojnë duke u argëtuar mbi rregullat e lëvizjes në rrugë dhe kujdesit ndaj makinave.

Autoriteti Rrugor Shqiptar, ndau sot në rrjete sociale, momente nga vizita e nxënësve të klasës së 3 të shkollës 9-vjeçare “28 Nëntori” Tiranë.

Nën kujdesin e mësueseve dhe inxhinierëve fëmijët kaluan një ditë edukative dhe argëtuese ku mësuan mbi mënyën e sjelljes në rrugë, rëndësinë e sigurisë në rrugë, rregullat kryesore si këmbësorë dhe si çiklistë.

Këndi është kthyer në një qendër e aktiviteteve të ndryshme për zhvillimin dhe edukimin e fëmijëve me rregullat bazë të sjelljes qytetare e sigurisë rrugore për grupmoshën 6-14 vjeç.

Fëmijët përfitojnë një eksperiencë të veçantë, që jo vetëm i argëtoi, por edhe i pajis me njohuri të rëndësishme për të qenë më të kujdesshëm dhe të ndërgjegjshëm në mjedisin rrugor.

Burimi ATSH