Ministri për Evropën dhe Punët e Jashtme, Igli Hasani shtoi darkën e Iftarit me Trupin Diplomatik në Shqipëri.

Hasani u shpreh se, “darka e Iftarit e MEPJ me Trupin Diplomatik në Shqipëri është shndërruar tashmë në një traditë respekti për këtë Muaj të Shenjtë që po mbyllet dhe mbart përkushtimin dhe sakrificat e besimtarëve myslimanë”.

“Ndihemi thellësisht krenarë për shoqërinë shqiptare, e cila bazohet plotësisht mbi parimet e bashkëjetesës, mirëkuptimit dhe harmonisë ndërfetare. Këto janë vlera që na afrojnë dhe na inkurajojnë për një të ardhme të paqtë, të mbushur me dhembshuri dhe empati për njëri-tjetrin”, theksoi Hasani.

Pas Muajit të Shenjtë të Ramazanit, të gjithë besimtarët myslimanë do të falin Fitër Bajramin nesër në Tiranë, me ceremoninë e faljes që fillon në 06:45, me lexim Kurani dhe ligjërata, ndërsa në orën 07:30 falet namazi.

Burimi ATSH