Shqipëria përgatitet për pjesëmarrjen në Sistemin e Informacionit të Tregut të Brendshëm të BE-së

Këshilli i Ministrave miratoi sot masat përgatitore dhe shoqëruese për pjesëmarrjen e ardhshme të Shqipërisë në Sistemin e Informacionit të Tregut të Brendshëm (IMI).


Këshilli i Ministrave miratoi sot masat përgatitore dhe shoqëruese për pjesëmarrjen e ardhshme të Shqipërisë në Sistemin e Informacionit të Tregut të Brendshëm (IMI).

Sistemi i Informacionit të Tregut të Brendshëm është mjeti elektronik i centralizuar që zhvillohet, mirëmbahet e vihet në dispozicion nga Komisioni Evropian për bashkëpunimin administrativ ndërmjet autoriteteve kompetente të shteteve anëtare dhe Komisionit Evropian.

Vendimi, i propozuar nga ministri i Ekonomisë dhe Inovacionit, përcakton ngritjen e strukturës institucionale, organizative dhe procedurale që do të mundësojë pjesëmarrjen e Shqipërisë në sistemin IMI dhe bashkëpunimin administrativ me autoritetet kompetente të vendeve anëtare të BE-së dhe Komisionin Evropian.

Sipas vendimit, ministria përgjegjëse për ekonominë dhe tregtinë caktohet si koordinatore kombëtare përgatitore e IMI-t, ndërsa autoritetet kompetente do të përcaktojnë koordinatorët sektorialë, personat institucionalë të kontaktit dhe përdoruesit e ardhshëm të sistemit.

Në fazën fillestare do të kryhen ngritja e strukturave, mbajtja e regjistrave, trajnimi i nëpunësve dhe simulimet para anëtarësimit. Vendimi përcakton se, deri në aktivizimin e aksesit, nuk do të ketë shkëmbim informacioni përmes sistemit IMI me autoritetet e vendeve anëtare apo me Komisionin Evropian.

Aktivizimi i aksesit dhe bashkëpunimi administrativ përmes IMI-t do të bëhet nga data e anëtarësimit të Shqipërisë në BE ose nga një datë më e hershme, nëse kjo përcaktohet shprehimisht nga një akt i zbatueshëm i BE-së apo nga një marrëveshje detyruese me BE-në ose Komisionin Evropian.

Vendimi parashikon gjithashtu rregulla për mbrojtjen e të dhënave personale, konfidencialitetin dhe sekretin profesional, si dhe trajnimin e nëpunësve për përdorimin e ardhshëm të sistemit.

Autoritetet kompetente do të duhet t’i përcjellin Ministrisë së Ekonomisë dhe Inovacionit projektaktet dhe informacionin e nevojshëm për njoftim, të paktën 30 ditë përpara datës së parashikuar për miratimin e masës.

Ministria përgjegjëse për ekonominë dhe tregtinë do të miratojë, brenda tre muajve nga hyrja në fuqi e vendimit, formatet standarde, kanalet e komunikimit dhe procedurat e brendshme për hartimin, miratimin dhe paraqitjen e njoftimeve dhe raporteve.

Burimi ATSH

Lexo më shumë nga

Shqipëria përgatitet për pjesëmarrjen në Sistemin e Informacionit të Tregut të Brendshëm të BE-së

Këshilli i Ministrave miratoi sot masat përgatitore dhe shoqëruese për pjesëmarrjen e ardhshme të Shqipërisë në Sistemin e Informacionit të…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Shqipëria përgatitet për pjesëmarrjen në Sistemin e Informacionit të Tregut të Brendshëm të BE-së

Këshilli i Ministrave miratoi sot masat përgatitore dhe shoqëruese për pjesëmarrjen e ardhshme të Shqipërisë në Sistemin e Informacionit të…