Në Platformën Elektronike të Regjistrimit (PER) që nga 11 janari deri sot kanë bërë kërkesë për t’u regjistruar për të marrë pjesë në zgjedhjet parlamentare të 11 majit, 234 745 shtetas shqiptarë.

Këto janë shifrat e fundit të bëra publike nga Komisioni Qendror i Zgjedhjeve deri sot në orën 19:57, ndërsa aplikimi do të jetë i hapur deri më datë 4 mars.

Sipas të dhënave të KQZ-së janë miratuar 189 068 kërkesa dhe janë refuzuar 97 009 të tilla.

Gjithashtu janë bërë 291 355 kërkesa për regjistrim gjithsej, janë shqyrtuar 286 077 kërkesa dhe 5227 janë në shqyrtim.

Kërkesat për regjistrime janë nga vende të ndryshme të botës. Numri më i lartë i kërkesave për regjistrim të miratuara është nga Italia me 115 963, e ndjekur nga Greqia me 83 125, Gjermania me 30 227 si dhe nga SHBA me 19 237 e Britania e Madhe 16 685.

Sa i takon qarqeve, numri më i lartë i kërkesave për regjistrim të miratuara është nga qarku i Tiranës me 57 625, e ndjekur nga Fieri me 38 831si dhe nga Elbasani me 31 938.

Procesi për regjistrimin në Platformën Elektronike të Zgjedhësve (PER) ka filluar në 11 janar dhe do të zgjasë deri në datën 4 mars.