Shqipëria do të prezantohet në panairin e bimëve mjekësore dhe ushqimit organik, BIOFACH 2025 që do të zhvillohet në fillim të muajit shkurt në Nuremberg, Gjermani.

Agjencia Shqiptare për Zhvillimin e Investimeve (AIDA) bën të ditur se, sipërmarrjet shqiptare marrin pjesë për herë të katërt në BIOFACH dhe Shqipëria do të jetë në qendër të vëmendjes për produktet organike në këtë panair prestigjioz.

Vendi ynë prezantohet në këtë event me produktet organike si sherbela, dëllinja, livandoja dhe vaji i ullirit, që vijojnë të jenë në qendër të interesit nga tregjet e huaja.

Pavijoni shqiptar do të përfaqësohet nga tetë kompani të cilat do të prezantojnë vlerat e jashtëzakonshme të shijeve shqiptare dhe ekselencës organike, të cilën na e ka falur natyra dhe po e lartësojnë njerëzit punëtorë.

Burimi ATSH