Shqipëria dhe Greqia nënshkruajnë marrëveshje 5-vjeçare për bashkëpunimin turistik

Shqipëria dhe Greqia kanë hapur një kapitull të ri në bashkëpunimin turistik me nënshkrimin e një marrëveshjeje 5-vjeçare bashkëpunimi midis Unionit Turistik Shqiptar (ATU) dhe Federatës së Shoqatave të Turoperatorëve dhe Agjencive Turistike të Greqisë (FedHATTA)


Shqipëria dhe Greqia kanë hapur një kapitull të ri në bashkëpunimin turistik me nënshkrimin e një marrëveshjeje 5-vjeçare bashkëpunimi midis Unionit Turistik Shqiptar (ATU) dhe Federatës së Shoqatave të Turoperatorëve dhe Agjencive Turistike të Greqisë (FedHATTA).

Marrëveshja ofron një kornizë për shkëmbimin e informacionit dhe ofertave, koordinimin mes institucioneve dhe profesionistëve të turizmit, organizimin e aktiviteteve promovuese dhe vizitave studimore, si dhe krijimin e partneriteteve tregtare.

Ajo synon të forcojë lidhjet mes njerëzve, si dhe ato ekonomike mes dy vendeve, duke nxitur flukset turistike dhe promovimin e destinacioneve kryesore të rajonit.

Marrëveshja u firmos nga Kryetari i ATU-së, Rrahman Kasa dhe Presidenti i FedHATTA, Lysandros Tsilidis, në prani të Ambasadores së Shqipërisë në Greqi, Luela Hajdaraga, diplomates për çështjet e Diplomacinë Ekonomike, Joana Zhonga, si dhe përfaqësuesve të biznesit shqiptar të fushës së turizmit në dy vendet.

Ambasadorja Hajdaraga përshëndeti këtë hap si një moment të rëndësishëm në forcimin e bashkëpunimit turistik midis Shqipërisë dhe Greqisë. Ajo vuri në dukje se marrëveshja vjen në një moment simbolik, ndërsa dy vendet shënojnë 55-vjetorin e rivendosjes së marrëdhënieve diplomatike, një periudhë e karakterizuar nga lidhje të forta njerëzore dhe miqësi e qëndrueshme.

Shqipëria sot është një nga destinacionet më tërheqëse dhe me rritjen më të shpejtë në Evropë, duke tërhequr gjithnjë e më shumë vëmendje ndërkombëtare. Vetëm vitin e kaluar vendi mirëpriti mbi 12 milionë vizitorë, ndërsa Greqia u rendit e katërta ndër vendet e origjinës së turistëve.

Hajdaraga ftoi qytetarët grekë të vizitojnë Shqipërinë dhe të përjetojnë nga afër një vend me të cilin ndajnë shumë gjëra të përbashkëta, si mikpritjen, bujarinë dhe ngrohtësinë për mikun e shtëpisë.

Në një kohë zhvillimesh të ndjeshme gjeopolitike, Shqipëria dhe Greqia po shfrytëzojnë një mundësi të re për të forcuar lidhjet turistike, duke hapur rrugë për operatorët e vizitorët dhe duke promovuar bukuritë natyrore dhe kulturore që e bëjnë rajonin një destinacion të jashtëzakonshëm.

Marrë nga ATSH

Konferenca e investimeve BE–Ballkani Perëndimor, në 25-26 nëntor në Tiranë

Tirana do të mirëpresë në 25 dhe 26 nëntor edicionin e dytë të Konferencës së Investimeve BE–Ballkani Perëndimor (EU–WB6 Investment…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Konferenca e investimeve BE–Ballkani Perëndimor, në 25-26 nëntor në Tiranë

Tirana do të mirëpresë në 25 dhe 26 nëntor edicionin e dytë të Konferencës së Investimeve BE–Ballkani Perëndimor (EU–WB6 Investment…