Mbi 66 mijë fëmijë përfituan nga programi i depistimit dentar në shkolla gjatë vitit 2024, duke krijuar bazat për një kujdes të mirë oral që në fëmijëri.

Ministrja e Shëndetësisë dhe Mbrojtjes, Albana Koçiu, tha sot se “195 raste u referuan për trajtim të specializuar në Klinikën Stomatologjike Universitare duke garantuar ndërhyrje të shpejtë dhe efikase për fëmijët në nevojë”.

“Në vitin 2025, vijojmë mbështetjen financiare për Programin e Depistimit Dentar në shkolla, si pjesë e angazhimit tonë për një brez të shëndetshëm dhe të kujdesshëm ndaj vetes”, theksoi Koçiu.

Programi i Depistimit të Kujdesit Dentar për fëmijët e grupmoshës 6-14 vjeç në shkolla synon ngritjen e kabineteve të reja dentare në shkollat e vendit. Për fëmijët e shkollave në zonat rurale ky shërbim është ofruar edhe me njësi të lëvizshme dentare.

Burimi ATSH