Kompanitë franceze kanë mbështetur përmes projekteve pilot përdorimin e inovacionit dhe evolucionit zooteknik në fermat shqiptare.

Ministrja e Bujqësisë dhe Zhvillimit Rural, Anila Denaj dhe zv/ministri Jaupllari zhvilluan sot një takim me Martial Marguet, presidenti i IDELE, ekspertin agro-ekonomist Philippe Chotteau dhe Vigan Dervishi, koordinator i projektit.

Denaj diskutoi mbi rezultatet e para të punës eksperimentale në 3 ferma shqiptare për të nxitur rritjen e produktivitetit të qumështit përmes “rrugëve të gjelbra”, shtegtimit dhe kullotjes në natyrë, si dhe përdorimi i teknologjisë bashkëkohore.

Sipas ministres, “është i dukshëm rezultati në këto ferma, falë përdorimit të inovacionit dhe evolucionit zooteknik të sjella në fazën pilot me mbështetjen e kompanive franceze”.

“Nisur edhe nga diskutimet me shoqatat e blegtorëve detyra e Ministrisë është shtimi i përpjekjes për mobilizim kolektiv të pushtetit qendror e vendor për të mundësuar shtegtimin dhe kullotat e duhura, dhe nxitur përdorimin e teknologjisë bashkëkohore”, tha Denaj.