Agjencia për Media dhe Informim ka publikuar disa nga arritjeve dhe rezultateve pozitive në ekonominë shqiptare përgjatë vitit 2023, mes të cilave edhe indeksimi i pensioneve.

Sipas MIA-s, Në fillim të muajit tetor të vitit 2023, qeveria indeksoi me 8.6 % të gjitha kategoritë e pensioneve që mbulon Instituti i Sigurimeve Shoqërore. Nga kjo politikë financiare përfituan 717 370 pensionistë në të gjithë vendin.

Ndërkohë që në buxhetin e vitit 2024, për indeksimin e pensioneve janë parashikuar 4.1 miliardë lekë, ndërsa 3.6 miliardë lekë janë fondet në dispozicion për bonusin e fundvitit.

Po ashtu MIA ka publikuar shifrat e rritjes ekonomike për vitin 2023. Siç vihet re, rritja u arrit në nivelin 3.7%, çka solli dhe rritje të investimeve të huaja direkte të cilat ishin 17.4% më shumë se në vitin 2022.

Një tjetër arritje e vlerësuar nga MIA është dhe rritja e pagës minimale në vlerën 40 000 lekë, nga ku përfituan 106 810 punëmarrës.

(Marrë nga ATSH)