Ambasadori i Republikës së Shqipërisë në Azerbajxhan, Besart Kadia, vizitoi fabrikën e ujit mineral “İstisu” në Kalbaxhar, ku u prit nga drejtori i fabrikës, z. Fariz Sadıxov.

Gjatë vizitës, Ambasadori Kadia u njoh nga afër me procesin e prodhimit, standardet e cilësisë dhe potencialin e zhvillimit të këtij produkti të njohur të pasurive natyrore të Azerbajxhanit.

Vizita u zhvillua në kuadër të përpjekjeve të Ambasadës së Shqipërisë në Baku për të identifikuar mundësi të reja të bashkëpunimit ekonomik dhe për të nxitur lidhjet ndërmjet komuniteteve të biznesit të dy vendeve.

Shqipëria dhe Azerbajxhani kanë potencial për të ndërtuar ura të reja bashkëpunimi përmes produkteve natyrore, investimeve dhe tregtisë.