Climathon Tirana, organizuar nga ICTSlab dhe mbështetur nga UNICEF Albania, Bashkia Tiranë, Ministri i Shtetit për Mbrojtjen e Sipërmarrjes, Delina Ibrahimaj, së bashku mev120 të rinj dhe 20 mentorë të përkushtuar kanë nisur një udhëtim transformues, duke i kthyer idetë në veprime.

POSTIMI I UNICEF ALBANIA

Momente emocionuese në Climathon Tirana, organizuar nga ICTSlab dhe mbështetur nga #UNICEFAlbania, Bashkia Tiranë, Z. Erion Veliaj, Ministri i Shtetit për Mbrojtjen e Sipërmarrjes, Znj. Delina Ibrahimaj. 120 të rinj dhe 20 mentorë të përkushtuar kanë nisur një udhëtim transformues, duke i kthyer idetë në veprime.
Motoja jonë zakonisht është “Mendo Globalisht, Vepro Lokalisht” dhe me #COP28 në mendje, ne po shfrytëzojmë mundësinë për të bërë një ndikim lokal.

Në COP28, UNICEF do të mbrojë një kauzë thelbësore: Vendosjen e të drejtave të fëmijëve në qendër të aksionit për klimën. Cilësia e ajrit, burimet ujore dhe ndikimi i fatkeqësive natyrore tek të rinjtë – këto janë sfidat me të cilat përballemi. Le të kemi ëndërra të mëdha dhe ta bëjmë Tiranën edhe më të gjelbër!

I urojmë suksese 120 të rinjve dhe mentorëve të tyre në këtë rrugëtim frymëzues. Së bashku, ne mund të sjellim një ndryshim të dukshëm! #Youth4Climate