Xhixho letër ambasadorëve: Emergjencë, krijimi i regjistrit kombëtar të të dënuarve për krime seksuale

Nënkryetarja e Partisë së Lirisë, Erisa Xhixho i drejtoi sot një letër të hapur të gjithë ambasadorëve në vend, në Ditën Ndërkombëtare të Fëmijëve Viktima të Agresionit.


Nënkryetarja e Partisë së Lirisë, Erisa Xhixho i drejtoi sot një letër të hapur të gjithë ambasadorëve në vend, në Ditën Ndërkombëtare të Fëmijëve Viktima të Agresionit.

Si inicuese e ligjit për “Regjistrin kombëtar të të dënuarve për krime seksuale”, Xhixho shprehu angazhimin maksimal në vënien e tij në shërbim të sigurisë së fëmijëve në kopshte, shkolla dhe në të gjitha mjediset që ata frekuentojnë.

“Fatkeqësisht, gati 1 vit pas miratimit të ligjit, regjistri nuk është krijuar, edhe pse kam kërkuar edhe zyrtarisht informacione nga organet pëgjegjëse me qëllim nxitjen e vënies në zbatim sa më parë të ligjit. Ndaj sot u jam drejtuar me një letër të hapur ambasadorëve që veprojnë në vend, në mënyrë që të rritim ndërgjegjësimin për këtë shqetësim shumë të madh”, shkruan Xhixho në rrjetet sociale.

Ajo kujtoi se në 21 korrik të vitit të kaluar, Kuvendi i Shqipërisë miratoi me 124 vota pro dhe vetëm një abstenim ligjin për “Regjistrin kombëtar për të dënuarit për krime seksuale”.

“Qëllimi i ligjit është krijimi i një mekanizmi kombëtar për monitorimin e të gjithë personave që kryejnë krime seksuale. Fokusi i këtij ligji është mbrojtja sidomos e fëmijëve nga çdo formë e abuzimit seksual. Hartimi dhe miratimi i këtij ligji ka qenë një domosdoshmëri për shumë vite në Shqipëri, pasi sipas statistikave, thuajse 80 për qind e krimeve seksuale në Shqipëri kryhen kundër fëmijëve dhe adoleshentëve”, u shpreh ajo.

Sipas Xhixhos, në 22 janar 2023, ligji hyri në fuqi, gjashtë muaj pas miratimit të tij, por fatkeqësisht nuk është bërë ende i zbatueshëm, duke qenë hapur në shkelje të ligjit.

“Përgjatë kësaj kohe, të gjitha institucionet përgjegjëse kishin kohën e mjaftueshme për të regjistruar të gjithë të dënuarit për krime seksuale dhe për ta vendosur regjistrin në dispozicion të palëve të interesuara, sipas përcaktimeve ligjore në e-Albania. Ligji ngarkon me përgjegjësinë e krijimit të regjistrit brenda 6 muajve nga momenti i miratimit në Kuvend Ministrinë e Brendshme, Ministrinë e Drejtësisë dhe institucionet në varësi të tyre. Kanë kaluar më shumë se 9 muaj nga miratimi i ligjit dhe regjistri nuk është ende i aksesueshëm për publikun”, theksoi Xhixho.

Si propozuese e këtij ligji, ajo u shpreh se ka kërkuar informacion pranë institucioneve përgjegjëse për hartimin e regjistrit, por përgjigjja ka qenë se regjistri nuk është krijuar akoma.

“Duke e konsideruar emergjencë krijimin e këtij regjistri, në respekt të ligjit të miratuar me shumicë votash, kërkoj mbështetjen tuaj në drejtim të punës me institucionet që kanë detyrimin ligjor për ta bërë atë të aksesueshëm për qytetarët”, theksoi ajo.

Balluku në Londër, fton të rinjtë të kontribuojnë pranë Agjencisë së Inovacionit dhe Ekselencës

Zëvendëskryeministrja, njëherësh ministre e Infrastrukturës dhe Energjisë, Belinda Balluku, si dhe drejtuesja e Agjencisë së Inovacionit dhe Ekselencës Ledi Imeraj…

Global 360

Osmani: Të mbështetet Ukraina, të mos shpërblehet agresioni i Rusisë

Presidentja e Kosovës, Vjosa Osmani ka mbajtur fjalimin përmbyllës në Samitin e Paqes për Ukrainën në Zvicër ku morën pjesë…

Diplovista

Bregu: Zero roaming me BE-në deri më 2027

Perspektiva e Bashkimit Evropian për Ballkanin Perëndimor nuk është më një proces datash, BE-ja po ndryshon, ndoshta duhet të ndryshohet…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Balluku në Londër, fton të rinjtë të kontribuojnë pranë Agjencisë së Inovacionit dhe Ekselencës

Zëvendëskryeministrja, njëherësh ministre e Infrastrukturës dhe Energjisë, Belinda Balluku, si dhe drejtuesja e Agjencisë së Inovacionit dhe Ekselencës Ledi Imeraj…