Kandidati i koalicionit “Bashkë Fitojmë” për bashkinë e Shkodrës, Bardh Spahia zhvilloi një takim me qytetarë dhe sipërmarrës në qytetin e Shkodrës.

Spahia u premtoi sipërmarrësve taksa të ulëta për biznesin. Ai theksoi se, Shkodra do të jetë epiqendër e investimeve dhe ndryshimeve.

“Takimet me bashkëqytetarët dhe sipërmarrësit janë gjithmonë një mundësi e mirë për të ndarë me ta programin e 4 viteve në vazhdim të drejtimit të Bashkisë Shkodër. Nga sheshi “Prekë Cali” dhe përgjatë pedonales “Kolë Idromeno” pata kënaqësinë të merrja jo vetëm mbështetjen e tyre, por edhe të listoja një pjesë të programit. Taksa të ulëta për biznesin. Rikonstruksion i fasadave dhe rivitalizim i zonës muzeale. Përmirësim i infrastrukturës rrugore. Investime në shkolla dhe ndërtim terrenesh sportive. Një kalendar i pasur aktivitetesh dhe promovim i resurseve të territorit”, shkroi Spahia në rrjetet sociale.