“Afrimi i shërbimeve shëndetësore dhe sociale pranë vendbanimit synon të sigurojë një kujdes më të aksesueshëm dhe të koordinuar, në përgjigje të nevojave të qytetarëve në Krujë.”

Kështu tha ministrja e Shëndetësisë dhe Mirëqenies Sociale, Klodiana Spahiu, gjatë një vizite sot në spitalin e Krujës, nga ku theksoi rëndësinë e afrimit të shërbimeve pranë komunitetit, duke vënë në fokus edhe parandalimin dhe diagnostikimin e hershëm të sëmundjeve.

Në kuadër të Tetorit Rozë, vëmendje e veçantë i kushtohet afrimit të shërbimeve të depistimit dhe diagnostikimit të hershëm të kancerit të gjirit pranë grave dhe vajzave.

Sipas Spahiut, synimi është që parandalimi të mos mbetet vetëm një fushatë e muajit tetor, por të shndërrohet në një kujdes të vazhdueshëm përgjatë gjithë vitit.

Burimi ATSH