Avokati i Erion Veliajt, Ermal Yzeiri, deklaroi në seancën e GJK se Veliaj mund të ndiqet në gjendje të lirë dhe se kjo kërkesë është bërë gjithmonë.

Yzeiri u shpreh se nëse Veliaj do ndiqej në gjendje të lirë, do ta bënte në mënyrë korrekte punën e tij.

Avokati i Veliajt, Ermal Yzeiri: Neni 115 flet për shkelje të rënda. Ne mendojmë se neni 62 është në zbatim të Kushtetutës dhe këto nene evidentojnë shkelje të rënda. Neni 62/c përdor shprehjen “mosparaqitje në detyrë”. Masa e sigurisë është joproprocionale, për shkak të funksionit të kryetarit të bashkisë. Funksioni duhet të ushtrohet nga Veliaj në gjendje të lirë dhe kjo do bënte të mundur ushtrimin 100 përqind të detyrës ndaj qytetarëve. Ushtrimi i funksionit në gjendje të lirë do ishte një variant, që do i mundësonte kryetarit të bashkisë që të kryente punët në krye të Bashkisë.

/TvKlan.al