Janë hapur aplikimet për mbështetje financiare për studentët më të mirë që kanë nisur studimet në programin e parë në universitetet publike.

Aplikimi bëhet vetëm online, përmes platformës e-Albania, në shërbimin “Aplikim për mbështetje financiare”.

Skema synon të mbështesë financiarisht studentët me mesatare 10 në shkollën e mesme, fitues të olimpiadave ndërkombëtare, apo ata që ndjekin programe prioritare të studimit.

Afati i fundit për aplikim është 20 dhjetor 2025.

Pas përfundimit të aplikimeve, Agjencia Kombëtare e Financimit të Arsimit të Lartë do të verifikojë të dhënat dhe do të shpallë përfituesit në muajin shkurt 2026.

Burimi ATSH