Gjimnazi “28 Nëntori” në Shkodër është shpallur fitues i Kampionatit të 8-të Kombëtar Re-Debate.

Ky edicion i Kampionatit të 8-të të Re-Debate është mbështetur nga projekti i Bashkimit Evropian për Ekonominë Qarkulluese, duke i ndihmuar të rinjtë në të gjithë Shqipërinë të bëhen zëra aktivë në formësimin e një të ardhmeje më të gjelbër dhe më të qëndrueshme.

Sipas njoftimit të BE-së, 560 nxënës nga 35 shkolla të mesme në 21 bashki iu bashkuan këtij kampionati, duke dëshmuar edhe një herë se të rinjtë janë gati të udhëheqin tranzicionin e gjelbër të Shqipërisë.

Fituesit janë:

Vendi i parë: Gjimnazi “28 Nëntori” – Shkodër;

Vendi i dytë: Gjimnazi “Sami Frashëri” – Tiranë;

Vendi i tretë: Gjimnazi “Petro Nini Luarasi” – Tiranë;

Debatuesja më e mirë: Pamela Pashollari, gjimnazi “Sami Frashëri”, Përmet.

“BE do të vazhdojë të mbështesë iniciativat që fuqizojnë të rinjtë dhe promovojnë zhvillimin e qëndrueshëm në Shqipëri”, thuhet në njoftimin e BE-së.

Burimi ATSH