Ministri i Shtetit për Marrëdhëniet me Parlamentin dhe drejtuesi politik i Partisë Socialiste për Diasporën, Taulant Balla, ka reaguar pas suksesit të radhës së boksierit kuqezi, Jurgen Uldedaj.

Në një postim në rrjetet sociale, Balla shprehet se Uldedaj vijon të shkëlqejë, duke mbrojtur titullin në IBF International.

“Me këtë fitore, Jurgen Uldedaj hyn mes 15 më të mirëve të botës për katër federatat kryesore: WBA, WBO, WBC dhe IBF, duke u bërë shqiptari i parë me këtë rezultat në historinë e boksit profesionist,” shkruan Balla.

Suksesi i Uldedajt është një arritje historike për sportin shqiptar dhe një tjetër hap i madh për boksierin e talentuar që vazhdon të vendosë emrin e tij mes më të mirëve në arenën ndërkombëtare.

Burimi ATSH