Duro: 408 institucione arsimore zbatojnë programin “Pas shkolle”, lehtësi për familjet

Zëvendësministrja e Arsimit, Herida Duro nga ambientet e shkollës “Pjetër Budi” në kryeqytet, tha se programi vjen në një realitet ku klasat janë të mbushura dhe synon t’u krijojë nxënësve një mjedis të dobishëm edhe pas përfundimit të orarit mësimor.


408 institucione arsimore në të gjithë vendin kanë nisur zbatimin e programit të ri “Pas shkolle”, i cili u ofron nxënësve mundësi për të kryer detyrat e shtëpisë dhe për t’u angazhuar në aktivitete artistike, kulturore e krijuese.

Zëvendësministrja e Arsimit, Herida Duro nga ambientet e shkollës “Pjetër Budi” në kryeqytet, tha se programi vjen në një realitet ku klasat janë të mbushura dhe synon t’u krijojë nxënësve një mjedis të dobishëm edhe pas përfundimit të orarit mësimor.

Sipas Duros, programi sjell lehtësi edhe për familjet shqiptare, pasi prindërit mund ta kalojnë pasditen me fëmijët e tyre, ndërsa ata vijojnë të jenë të angazhuar në një mjedis të sigurt dhe edukues.

Në shkollën “Pjetër Budi”, programi përfshin disa fusha të veprimtarisë, mes tyre artin pamor, teatrin dhe muzikën.

Mësuesja e artit pamor, e angazhuar në dy grupe të programit passhkollor, tha se përmes eksperiencës së saj në art dhe zeje synon t’u krijojë fëmijëve hapësira për të zhvilluar aftësitë krijuese.

Edhe mësuesja e teatrit e vlerësoi programin si një mundësi për zhvillimin e talenteve të reja.

“Jam shumë e lumtur që jam pjesë e programit pas shkollës dhe besimplotë rreth programit. Nxënësit do të marrin njohuri të fushave të ndryshme dhe do të kultivohen në ato fusha”, u shpreh ajo.

Ndërsa mësuesja e muzikës tha se ka zgjedhur të jetë pjesë e programit pasi ai ndërthur kryerjen e detyrave me aktivitete të ndryshme.

“Këtu do të jenë edhe instrumentalistë të ndryshëm me të cilët fëmijët të njihen me llojet e instrumenteve, me kultura të ndryshme apo pikturën që do të zhvillojnë”, tha ajo.

Duro tha se programi është miratuar nga Ministria e Arsimit dhe është pritur mirë nga prindërit, të cilët kanë kërkuar që nxënësit të qëndrojnë në shkollë edhe pas përfundimit të mësimit, për të kryer detyrat dhe për të ndjekur kurse të ndryshme.

Burimi ATSH

Lexo më shumë nga

AdvanceGov 2026 në SHBA, AKSHI paraqet përvojën në transformimin digjital dhe përdorimin e IA-së

Zëvendësdrejtoresha e Përgjithshme e Agjencisë Kombëtare të Shoqërisë së Informacionit, Romina Kostani mori pjesë si folëse në AdvanceGov 2026, organizuar…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Kinë-Shqipëri, forum për bashkëpunim mediatik

Forumi u organizua nga Ambasada e Republikës Popullore të Kinës në Shqipëri dhe Agjencia e Lajmeve Xinhua, me Argumentum.al si…