Një grup efektivësh nga Drejtoria Vendore e Policisë së Elbasanit kanë shpërndarë sot dhurata simbolike për fëmijët e shkollës 9-vjeçare “Demir Godelli”, në prag të festave të fundvitit.

Kjo iniciativë e efektivëve të policisë i ka gëzuar fëmijët e kësaj shkolle 9-vjeçare që ndodhet në Peqin, ndërsa vogëlushët kanë falënderuar punonjësit e policisë. Këta të fundit, kanë mirëpritur në ambientet e DVP Elbasan, një grup fëmijësh të shkollës “Hamit Mullisi”, ku krijuan një atmosferë festive për të vegjlit dhe shpërndanë dhurata për ta.

Dhuratat për këta fëmijë, erdhën si iniciativë dhe kontribut i vetë punonjësve të policisë, për të lumturuar sa më shumë vogëlushë në prag të Krishtlindjeve dhe Vitit të Ri.

Mes urimesh, buzëqeshjesh dhe fotografish të përbashkëta, fëmijët dhe punonjësit e Policisë uruan mbarësi dhe gëzim gjatë vitit 2025.