Bundestagu gjerman, mbështetje Shqipërisë drejt integrimit europian

Kryetarja e Komisionit për Politikën e Jashtme, Mimi Kodheli së bashku me anëtarët e këtij komisioni, Tritan Shehu, Etjen Xhafaj, Petro Koçi dhe Bardhyl Kollçaku, pritën në takim Thomas Hacker dhe Stephan Brandner, anëtarë të Grupit Parlamentar të Bundestagut për Evropën Juglindore


Kryetarja e Komisionit për Politikën e Jashtme, Mimi Kodheli së bashku me anëtarët e këtij komisioni, Tritan Shehu, Etjen Xhafaj, Petro Koçi dhe Bardhyl Kollçaku, pritën në takim Thomas Hacker dhe Stephan Brandner, anëtarë të Grupit Parlamentar të Bundestagut për Evropën Juglindore, të cilët janë duke zhvilluar një tur në disa prej vendeve të rajonit tonë.

Kodheli falënderoi për gjithë mbështetjen në rrugën e Shqipërisë drejt integrimit europian duke e çmuar si tejet të domosdoshme lidershipin e Gjermanisë në këtë drejtim.

Ajo veçoi homologun e saj në Bundestag, Michael Roth për lidershipin e treguar për këtë çështje si dhe aktivizmin e tij pro integrimit të rajonit të Ballkanit.

Kryetarja, Kodheli shfrytëzoi rastin për të konfirmuar mbështetjen e Shqipërisë ndaj kandidaturës së Gjermanisë për Këshillin e Sigurisë në UN për periudhën 2027-2028.

Gjatë ndërhyrjes së tij, Tritan Shehu vuri theksin në nevojën për të përmirësuar nivelin e demokracisë në vend si dhe kërkoi më shumë hapësirë për veprimtarinë e opozitës.

Petro Koçi foli mbi efektet e reformës në drejtësi. Të tjera tema që u diskutuan ishin bashkëpunimi rajonal, situata e sigurisë në rajon e më gjerë.

Parlamentarët gjermanë falenderuan për kohën si dhe për panoramën e gjerë dhe bisedën e hapur e të sinqertë.

Hacker konfirmoi dedikimin e Gjermanisë për stabilitetin në Ballkan, si dhe tha se janë informuar në vijimësi nga qeveria për punën e jashtëzakonshme që Shqipëria po bën për hapjen e kapitujve.

Ai tha se pas sulmit mbi Ukrainë bota nuk është më e njëjtë dhe se për këtë arsye është e nevojshme një rishikim i rregullave të unionit, pasi çështjet bilaterale nuk mund të shërbejnë më si justifikim për të bllokuar procese të rëndësishme për secilin vend.

Veliaj: TEDA Tirana prezantohet së shpejti në Samitin e Teknologjisë në Tokio

Kryetari i bashkisë së Tiranës, Erion Veliaj priti në një takim ambasadoren e Japonisë në Tiranë, Kikuko Kato.

Global 360

Meloni: Marrëveshja me Shqipërinë për migrantët frymëzim edhe për vendet e tjera

Kryeministrja italiane, Giorgia Meloni interviste me gazetarin Maurizio Belpietro, në kuadër të eventit ”Il giorno della verita”

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shkolla e shkrimtarit

Shkrimtari nuk bëhet nga shkolla, shkrimtari lind.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Veliaj: TEDA Tirana prezantohet së shpejti në Samitin e Teknologjisë në Tokio

Kryetari i bashkisë së Tiranës, Erion Veliaj priti në një takim ambasadoren e Japonisë në Tiranë, Kikuko Kato.