Ministri për Evropën dhe Punët e Jashtme, Igli Hasani uroi sot Tiranën dhe kryebashkiakun Erion Veliaj, për shpalljen si Kryeqyteti Mesdhetar i Kulturës dhe Dialogut 2025.

“Urimet më të përzemërta për Tiranën dhe Kryetarin e Bashkisë Tiranë, Erion Veliaj, për shpalljen e Kryeqytetit Mesdhetar të Kulturës dhe Dialogut 2025 nga Unioni për Mesdheun”, shkroi Hasani në një postim në rrjetin social X.

“Vizioni evropian për Tiranën do të shfaqë tolerancën, gjithëpërfshirjen dhe zhvillimin e qëndrueshëm për të gjithë rajonin e Mesdheut”, u shpreh Hasani në një postim në rrjetin social X.

Pas titujve si Kryeqyteti Evropian i Rinisë dhe Qyteti Evropian i Sportit, Tirana është shpallur edhe si Kryeqyteti Mesdhetar i Kulturës dhe Dialogut për vitin 2025.