Presidenti Bajram Begaj uroi mëngjesin e sotëm besimtarët katolikë për Pashkën. “Kjo ditë e shenjtë sjelltë gëzim, paqe dhe bekime në familjet tuaja”, shkroi Presidenti në rrjetet sociale.

“Pashka është besimi se e mira fiton mbi të keqen, mundimi mbi padrejtësinë, dashuria mbi forcën dhe drita mbi errësirën. Pashka është besimi se jeta është forca e pashtershme që na udhëheq”, shkroi Begaj.

“Pashka është shpresë dhe gëzim. Kjo festë na kujton se Zoti nuk na braktis kurrë dhe se dashuria e Tij është më e fortë edhe se vdekja”, përfundoi ai mesazhin me rastin e festës së Pashkës katolike.

Besimtarët katolikë në Shqipëri dhe në mbarë botën kremtojnë sot Festën e Pashkës, ngjarjen më të rëndësishme në kalendarin e krishterë, që simbolizon ngjalljen e Jezu Krishtit dhe triumfin e jetës mbi vdekjen.

Pashka, kremtimi i ngjalljes se Krishtit është një nga ngjarjet më të rëndësishme për besimtarët katolikë.

Mesazhi qendror i Pashkës mbetet shpresa dhe triumfi i jetës mbi vdekjen. Pashka sjell gjithashtu një mesazh uniteti dhe paqeje, duke i ftuar të gjithë të kontribuojnë për një botë më të drejtë dhe më njerëzore.

Burime ATSH