Në kuadër të Javës së Frankofonisë, ministrja e Arsimit Mirela Kumbaro zhvilloi sot një takim me drejtoreshën e përgjithshme të Agjencisë për Mësimdhënien e Frëngjishtes në Botë, Claudia Scherer-Effos, në Paris.

Gjatë bisedës u diskutua mbi forcimin e lidhjeve kulturore dhe zhvillimin e mëtejshëm të arsimit frankofon në Shqipëria, me theks të veçantë te rrjeti i shkollave dygjuhëshe.

Ministrja Kumbaro nënvizoi se “u bë e ditur se këtij rrjeti pritet t’i shtohet edhe liceu francez në Korçë, për të cilin projektligji ndodhet në fazë konsultimi publik”.

Kumbaro konfirmoi edhe përgatitjen e kurrikulave, ndërsa tha se po ndërmerren hapat për nisjen e punimeve për kampusin e këtij institucioni arsimor.

Sipas Kumbaros, liceu pritet të ofrojë diploma të dyfishta me profil shkencor, duke zgjeruar mundësitë arsimore dhe duke forcuar më tej bashkëpunimin arsimor ndërkombëtar.

Ky zhvillim konsiderohet një hap i rëndësishëm në thellimin e partneritetit arsimor dhe kulturor mes Shqipërisë dhe botës frankofone.

Burimi ATSH