Holanda vazhdon të jetë investitori më i madh i huaj në Shqipëri, duke dhënë një kontribut të rëndësishëm në zhvillimin ekonomik të vendit.

Sipas të dhënave të Bankës së Shqipërisë, kompanitë me aksionerë holandezë investuan 202 milionë euro në Shqipëri gjatë vitit 2025, shënuar një rritje prej 14,8% krahasuar me vitin 2024.

Stoku i përgjithshëm i investimeve holandeze arriti në 2,76 miliardë euro, duke shënuar një rritje prej 8,5% nga viti i mëparshëm. Kjo rritje tregon besueshmërinë dhe qëndrueshmërinë e kapitalit holandez në ekonomi dhe potencialin e tij për të mbështetur projekte strategjike.

Investimet holandeze kryesojnë në energjetikë dhe industrinë nxjerrëse, që janë edhe sektorët që kryesojnë me vlerat më të mëdha të investimeve të huaja.

Investimet e huaja të qëndrueshme në sektorë kyç, ndihmojnë jo vetëm në rritjen e ekonomisë, por edhe në forcimin e imazhit të Shqipërisë si destinacion i sigurt dhe i favorshëm për biznesin ndërkombëtar.

Burimi ATSH