Në Konferencën e Sigurisë në Mynih, ministrja për Evropën dhe Punët e Jashtme, Elisa Spiropali, u takua me kryeministrin e Bavarisë Markus Söder dhe ministrin për Evropën, Eric Beißwenger.

Spiropali bëri të ditur se në takimin me dy zyrtarët e lartë u rikonfirmua partneriteti i shkëlqyer mes dy vendeve tona, teksa qeveria bavareze mbështet fort anëtarësimin e Shqipërisë në BE.

Në fokus të takimit ishte edhe bashkëpunimi ekonomik, me theks te rritja e investimeve bavareze në vendin tonë.

“U angazhuam për forcimin e mëtejshëm të marrëdhënies sonë ekonomike, falë edhe prezencës së zyrës bavareze të tregtisë në Tiranë, me synimin e qartë për nxitjen e investimeve bavareze në vendin tonë”, shkroi Spiropali në rrjetet sociale.

Burimi ATSH