Takim zyrtar për forcimin e bashkëpunimit ekonomik Shqipëri–Azerbajxhan

Kryetari i Dhomës së Tregtisë dhe Industrisë, Tiranë, z. Nikolin Jaka, priti në një takim zyrtar Ambasadorin e Republikës së Azerbajxhanit në Shqipëri, Shkëlqesinë e Tij, z. Anar Huseynov.

Qëllimi i këtij takimi ishte ndërtimi dhe forcimi i urave të bashkëpunimit ekonomik dhe tregtar ndërmjet dy vendeve.

Gjatë takimit, Shkëlqesia e Tij, z. Anar Huseynov, theksoi interesin për identifikimin e formave konkrete të bashkëpunimit mes sipërmarrjeve të dy vendeve, në disa sektorë me interes të ndërsjellë.

Në këtë kuadër, z. Nikolin Jaka propozoi organizimin e një forumi të përbashkët biznesi, i cili mund të zhvillohet në muajt në vijim, në Baku ose në Tiranë.