Bashkia e Kurbinit ka ngritur grupet e punës dhe sipas njësive administrative do të vijojnë evidentimin e dëmeve në banesa, blegtori dhe toka bujqësore si pasojë e reshjeve të shiut.

Kryetarja e bashkisë Kurbin, Majlinda Cara informoi se të gjitha strukturat e emergjencave civile vendore janë në terren për ndërhyrjen me të gjitha mjetet dhe mundësitë.

“Mjetet e rënda kanë punuar në zonat ku problematikat kanë qenë më të mëdha si Gjormë, Zhejë dhe në Skuraj, pasi ka rrëshqitje të tokës në një pjesë të rrugës”, vuri në dukje kryebashkiakja.
Sipas saj, gjatë ditës së sotme nuk ka patur nevojë për evakuime.

Kryebashkiakja Cara theksoi se “gjendja vijon të jetë e rënduar në disa zona të ultësirës së Kurbinit, ku ka prezencë uji në toka bujqësore dhe përreth banesave”.
Gjatë ditëve të fundit për shkak të reshjeve të dendura në Kurbin janë krijuar probleme të konsiderueshme.