Sot në qytetin e Lezhës, në kuadër të festimeve për 2 Marsin – përkujtimin e Besëlidhjes së Lezhës – u zhvillua edicioni i tretë i takimit poetik “Eja n’Liss”, një organizim i Klubi letrar Ndoc Gjetja, me mbështetjen dhe kujdesin e bashkisë Lezhë.

Ky aktivitet mblodhi mbi 100 poetë dhe dashamirë të poezisë nga të gjitha trojet shqiptare, duke e kthyer qytetin e besëlidhjes në një hapësirë të gjallë të fjalës artistike dhe të promovimit të vlerave kulturore.

Në konkurs konkurruan 40 poetë me krijime në gegnisht, duke dëshmuar pasurinë, forcën shprehëse dhe vazhdimësinë e kësaj trashëgimie letrare.

“Eja n’Liss” po konsolidohet si një nga aktivitetet kulturore më përfaqësuese të Lezhës, duke ndërthurur historinë, identitetin dhe artin e fjalës.

Burimi ATSH