Ambasadori i Azerbajxhanit në Shqipëri, Anar Huseynov, zhvilloi një vizitë në Bashkinë Himarë, ku bashkëbisedoi me kryebashkiakun Vangjel Tavo.

Sipas Tavos, biseda u përqendrua te promovimi i Himarës si destinacion për turistët nga Azerbajxhani dhe mundësia për krijimin e paketave të dedikuara turistike.

Postimi i Kryebashkiakut Tavo

Pata kënaqësinë të zhvilloj në Bashkinë Himarë një takim të frytshëm 🤝 me Ambasadorin e Azerbajxhanit në Shqipëri, ku u diskutua mbi zgjerimin e bashkëpunimit mes qytetit tonë dhe Azerbajxhanit në fusha me interes të përbashkët.

Biseda u përqendrua te promovimi i Himarës si destinacion për turistët nga Azerbajxhani dhe mundësia për krijimin e paketave të dedikuara turistike. Po ashtu, u prezantuan hapësirat që Himara ofron për investime strategjike në turizëm, infrastrukturë dhe projekte të energjisë së gjelbër .

U trajtuan gjithashtu nisma për bashkëpunim kulturor, organizim aktivitetesh të përbashkëta dhe mundësia e një binjakëzimi institucional mes qyteteve tona, me fokus në projekte rinore, edukative dhe shkëmbime ekonomike.

Ky takim hap perspektiva të reja për zhvillimin e mëtejshëm të Himarës dhe forcimin e lidhjeve miqësore mes dy vendeve 🇦🇱🤝🇦🇿.