Në mjediset e kinemasë “Drita”, në Arkivin Qendror Shtetëror të Filmit, u mbajt sot një prezantim i veçantë kushtuar procesit të digjitalizimit dhe ruajtjes së imazheve filmike, i udhëhequr nga specialisti i arkivit Erjon Tusha.

Në këtë proces përfshihen gjithsej 55 000 njësi arkivore të koleksioneve grafike dhe fotografike si dhe 6600 tituj filmash me 44 000 akte në AQSHF.

Ky aktivitet solli në vëmendje rëndësinë e ruajtjes së kujtesës sonë vizuale dhe mënyrat bashkëkohore me të cilat imazhet grafike dhe fotografike marrin jetë të re në format digjital, duke u bërë më të aksesueshme për studiuesit dhe publikun.

Ky aktivitet është një hap më tej në mbrojtjen e trashëgimisë filmike shqiptare dhe në përpjekjen për ta përcjellë atë te brezat e ardhshëm.

Burimi ATSH