Në Vllahinë të bashkisë së Selenicës u zhvillua sot edicioni i dytë i “Festa e Verës dhe Rakisë”, nën moton “Wine Fest-Traditë dhe Trashëgimi”.

Në këtë aktivitet u bënë bashkë fermerë të zonës dhe prodhues tradicionalë të verës, rakisë dhe nënprodukteve blegtorale, me qëllim promovimin e prodhimeve bio që mbeten aset i çmuar i trashëgimisë gastronomike të rajonit.

Bashkia e Selenicës njihet për prodhime të shumta bujqësore dhe blegtorale, ku vera, rakia dhe nënproduktet blegtorale krijojnë një harmoni mes mjedisit natyror dhe traditës që përcillet brez pas brezi.

Organizatorët theksuan rëndësinë e evidentimit dhe promovimit të këtyre vlerave në shërbim të komunitetit dhe ruajtjes së traditës.

Burimi ATSH