Në kuadër të projektit të Bashkimit Evropian “BE për Ekonominë Qarkulluese dhe Qytete të Jetueshme” është hapur thirrja e quajtur SUP2LOOP, që mbështet inovacionin e sektorit privat për të përmbushur objektivat mjedisorë në rrugëtimin e Shqipërisë drejt Bashkimit Evropian.

Delegacioni i Bashkimit Evropian fton bizneset, start-up-et dhe ndërmarrjet e sektorit Hoteleri–Restorante–Katering (HoReCa) të aplikojnë për grante që reduktojnë ose zëvendësojnë plastikën njëpërdorimëshe dhe nxisin ekonominë qarkulluese në Shqipëri.

Grantet shkojnë deri në 50 mijë euro për zgjidhje pa plastikë.

Pas aplikimit, faza e radhës është Hackathoni më 17-18-19 nëntor në Tiranë – për të kthyer idetë në zgjidhje konkrete, për të ndërtuar prototipe të gjelbra dhe modele biznesi të qëndrueshme, me mbështetjen e ekspertëve vendas dhe ndërkombëtarë.

Të interesuarit duhet të aplikojnë përpara datës 29 tetor.