Grupi artistik i valleve i Lezhës u bë pjesë e aktivitetit ndërkulturor “Shije dhe tinguj nga popuj të tjerë” në qytetin Rethimnos në Greqi.

Bashkia e Lezhës njoftoi se aktiviteti u zhvillua në datat 11-13 shtator ku grupi artistik i valleve nën drejtimin e koreografit të Drejtorisë së Kulturës dhe Trashëgimisë Kulturore, Gazmend Golemi performoi repertorin e vet më të mirë.

Organizimi krijoi atmosferë të pasur me ngjyra, ritme dhe shije që solli në skenë kostumet, vallet dhe kulinarinë shqiptare, duke i dhënë jehonë trashëgimisë sonë kulturore në një atmosferë miqësie dhe bashkëpunimi.

Komuniteti shqiptar në Rethimnos vijon të mbajë gjallë dhe të përcjellë me krenari kulturën, traditat dhe vlerat shqiptare.

Burimi ATSH