Kryeministri Edi Rama paralajmëroi sot reformimin e inspektorateve dhe të policive bashkiake, duke marrë shkas edhe nga situata e ndërtimeve pa leje në territor.

Në aktivitetin “Shqipëria Turistike 2030”, Kryeministri u ndal edhe tek aksioni i lirimit të hapësirave publike në funksion të komunitetit.

Kryeministri theksoi se “që gjithë kjo histori ndërtimesh dhe zhvillimesh pa leje, sjell si nevojë edhe një reformim të inspektorateve të policive”.

Rama theksoi se “policitë bashkiake dhe IMT-të janë disfunksionale, duhet të reformohen”.

“Duhet të kthehen në shërbime bashkiake, por me standarde dhe me kritere që certifikohen nga Akademia e Sigurisë, apo nga universiteti. Janë bërë vende qokash të tmerrshme dhe është e paimagjinueshme që të vazhdojë kështu, dhe nuk do vazhdojë kështu”, shtoi ai.

Burimi ATSH