Forcimi i kapaciteteve teknike në nivel vendor është thelbësor për një reagim të shpejtë dhe të koordinuar ndaj incidenteve kibernetike.

Në ambientet e Autoritetit Kombëtar për Sigurinë Kibernetike u zhvillua sot një tjetër trajnim praktik me platformën SimSpace, këtë herë për stafet IT dhe sigurisë kibernetike nga bashkitë e Kamzës, Elbasanit, Shkodrës dhe Krujës.

Në një njoftim të AKSK-së, thuhet se përmes skenarëve të simuluar në kohë reale, pjesëmarrësit ushtruan aftësitë për zbulimin dhe menaxhimin e sulmeve, duke u njohur me teknika të avancuara për mbrojtjen e infrastrukturave digjitale.

Ky bashkëpunim është pjesë e nismave të AKSK për rritjen e sigurisë kibernetike në institucionet publike dhe ndërtimin e një rrjeti ekspertësh në të gjithë territorin.

Burimi ATSH