Së fundmi, takimi vjetor i Forumit CBD të Pekinit 2025, mblodhi së bashku më shumë se 6.000 përfaqësues nga qarqet politike, akademike dhe ato të biznesit të më shumë se 40 vendeve dhe rajoneve. Ndarja e mundësive të zhvillimit të Kinës, u bë konsensusi i shumë të ftuarve.

John Mclean, Këshilltar i Lartë i Dhomës së Tregtisë së Kinës në Mbretërinë e Bashkuar, Kryetar i Qendrës së Zhvillimit të Biznesit Britani e Madhe-Kinë: “Në Mbretërinë e Bashkuar të thuash vetëm “Eja në Kinë”nuk mjafton. Të shohësh do të thotë të besosh. Mbrëmë shkova në Ambasadën e Britanisë së Madhe në Kinë për të komunikuar me biznesmenë të shumtë britanikë. Atmosfera ishte mjaft pozitive. Ata vërtet e ndjejnë se situata ekonomike po përmirësohet. Kjo është përvoja e vërtetë e praktikuesve në vijë të parë. Ne duhet t’ua kalojmë këtë emocion pozitiv sa më shumë kompanive britanike. Kjo është puna ime.”

Wang Lei, Kryetar i Grupit Zviceran Cedex :”Kompania jonë përqendrohet në investimet në teknologji inovative dhe shkencat e jetës. Ne besojmë se aftësitë inovative të Kinës janë të klasit botëror. Kompanitë kineze po rriten, por vlerësimet e tyre janë të ulta. Ne besojmë se investimi në Pekin ka avantazhe unike. Do të vazhdojmë të rrisim investimet në shkencat e jetës dhe fusha të tjera.

Kina ka shumë politika fiskale të favorshme, miratim të shpejtë të sipërmarrjeve të reja, tërheqje talentesh etj. Jam shumë i inkurajuar nga kjo. Besoj se politikat do të vazhdojnë të përmirësohen. Forumi i sotëm i CBD-së, është një shembull që tregon se si qeveria dhe biznesi mund të zgjidhin problemet praktike përmes dialogut.

Ne do të vazhdojmë të rrisim investimet tona në tregun dytësor, duke u përqendruar në fusha të përparuara siç janë sistemet e administrimit të barnave dhe nanoteknologjia. Këto fusha, jo vetëm kanë potencial të madh zhvillimi në tregun kinez, por tregojnë edhe perspektiva të konsiderueshme rritjeje në të gjithë botën.”

Burimi GGTN