Fëmijë të shkollës fillore “Mahmut Lekiq” nga Tuzi i Malit të Zi kanë vizituar mjediset e Ministrisë për Evropën dhe Punët e Jashtme, ku janë mikpritur nga Zëvendësministret Silda Anagnosti Çepe dhe Megi Fino.

Përmes një bisede të ngrohtë dhe miqësore, fëmijët shprehën krenarinë e tyre për origjinën shqiptare, si dhe emocionet e vizitës së tyre të parë në Tiranë.

Në fund të bashkëbisedimit, ata shprehën dëshirën për t’u rikthyer sërish në Tiranë duke marrë pjesë në aktivitete të ndryshme kulturore të organizuara me fëmijë nga diaspora shqiptar.