Kryeministri Edi Rama priti sot në një takim kryeministrin e Belgjikës, Bart de Wever, në kuadër të Samitit të Komunitetit Politik Evropian.

Zyra e shtypit e Kryeministrisë ndau pamje nga ky takim, që u zhvillua në një nga sallat e Teatrit të Kukullave në kryeqytet.

Ndërkohë, në Tiranë vijojnë punimet e Samitit të Komunitetit Politik Evropian, nën moton “New Europe in a new world”, duke shënuar takimin e tij për herë të parë në Ballkanin Perëndimor me pjesëmarrjen e liderëve, kryetarë shtetesh dhe qeverish nga 47 vende europiane, së bashku me drejtuesit e institucioneve kryesore evropiane dhe ndërkombëtare.