Kryeministri Edi Rama deklaroi sot se nuk do të ketë marrëveshje të njëjtë si me Italinë për qendër pritjeje emigrantësh me asnjë vend tjetër.

Në konferencën e përbashkët për shtyp me kryeministrin e Mbretërisë së Bashkuar, Keir Starmer. Rama tha se me Italinë ishte marrëveshja e vetme që do të bënte Shqipëria, dhe kjo për shkak të marrëdhënies me këtë vend.

“E keni kuptuar drejt”, iu përgjigj Rama pyetjes së gazetarit britanik të ITV News se Shqipëria nuk dëshironte të bënte një marrëveshje si ajo me Italinë me asnjë vend tjetër.

“Kam qenë shumë i qartë që prej ditës së parë kur nisëm këtë proces me Italinë, theksoi kryeministri Rama. që kjo ishte një marrëveshje e vetme me Italinë për shkak të marrëdhënies sonë të veçantë, por edhe falë situatës gjerografike që është mjaft kuptimplotë”, theksoi Rama.

“Për të qenë shumë i sinqertë me ju, na kanë kërkuar një sërë vendesh nëse ishim të hapur për një gjë të tillë dhe ju kemi thënë: Jo! Sepse jemi besnik të martesës me Italinë dhe pjesa tjetër është thjeshtë dashuri”, u shpreh Rama.

Burimi ATSH