Kryeministri dhe njëherësh kryetari i Partisë Socialiste, Edi Rama, gjatë një interviste në medie, deklaroi se Shqipëria është Europa e Ballkanit.

“Jemi Europa e Ballkanit. Do të vijë e gjithë Europa në Tiranë për herë të dytë. Dhe NATO, sepse ne jemi Europa e Ballkanit. Mund të kishin shkuar edhe në një vend tjetër, por jo, zgjodhën Shqipërinë”, theksoi Rama.

Shqipëria, tha ai, është feneri që mban dritën e Europës në mes të Ballkanit Perëndimor.

“Për mua ka rëndësi që emri i Shqipërisë po shkëlqen gjithnjë e më shumë dhe po bëhet atraksion. Na ka ulur BE në tavolinë me një kalendar 3-vjeçar për t\u integruar. Kjo sepse siç thonë vet ata, kemi bërë të paimagjinueshëm. Ata thonë: nuk e imagjinomin që do të vinte me këtë lloj kapacitetesh. Dhe shkruajnë: Shqipëria i ka bërë detyrat. Që do të thotë i ka bërë reformat”, deklaroi ai.

Jam krenar, tha ai, që Shqipëria është në vendin e parë në Ballkan për menaxhimin e financave publike.

Ndërkohë, Rama përmendi e-Albania si një nga reformat në shërbimet publike që u vjen në shërbim qytetarëve.

Burimi ATSH