Kryeministri, njëherazi Kryetari i Partisë Socialiste Edi Rama prezantoi sot në Gjirokastër arritjet kyçe për sektorët më të rëndësishëm dhe sfidat e Shqipërisë 2030 në BE.

Në fjalën e tij, Rama theksoi buxheti për mbrojtjen është 10-fishuar.

“E kemi 10 fishuar buxhetin për mbrojtjen dhe po të shikoni pagën mesatare për ushtarakët është 1550 euro. Kemi pasur ushtrinë më të keqadministruar, më të keqpajisur, më të keqpaguar në Europë dhe në rajon, sot kemi ushtrinë më të mirëpaguar të rajonit dhe ambicia jonë është që deri në 2030 paga e ushtarakëve të shkojë në mesataren e ushtrive të NATO-s. Kjo ka sjellë që të ketë shumë më tepër interes për të hyrë në akademinë ushtarake për të hyrë në forcat e armatosura dhe ne duam ta fuqizojmë shumë këtë interes. Ndërkohë që paralelisht kemi nisur të punojmë shumë fort për industrinë e re te mbrojtjes”, theksoi Rama.

Burimi ATSH