Kryeministri Edi Rama u shpreh sot se qeveria ka një program të detajuar në çdo sektor mbi bazën e të cilit po negocion edhe me BE.

Në komunikimin e së martës me ndjekësit në rrjetet sociale në rubrikën “Sy m’Sy”, Rama tha se, “programi jonë është program qeverisës i detajuar në çdo sektor, se po mos të kishim program të detajuar në çdo sektor nuk na ulte Bashkimi Europian, në tavolinë. Se mirë ‘këneta’, po Bashkimi Europian nuk na ulte në tavolinë, nuk bënim dot negociata. Kemi mbi 250 mijë faqe negociata në tavolinë me Bashkimin Europian dhe të gjitha ato janë program shteti, shtetbërje”.

“Juve dëgjoni ‘kënetën’, vazhdoni dëgjojeni, është e drejta juaj. Jemi në demokraci, secili bën zgjedhjen e vet, askujt nuk i ndalohet të bëjë zgjedhjen e gabuar, e merr vetë pastaj edhe përgjegjësinë, edhe shijen e hidhur të humbjes, që fatkeqësisht po s’më dëgjuat, do ta ndjeni”, u shpreh Rama.

Burimi ATSH