Kryeministri Edi Rama në komunikimin me ndjekësit në rrjetet sociale, foli edhe për investimin e rëndësishëm të sipërmarrësit Behgjet Pacolli, për ndërtimin e aeroportit të Vlorës.

“Janë lekët e Pacollit, e ka ndërtuar Pacolli aeroportin, jo shteti. Aeroportin e Vlorës e ndërton Behgjet Pacolli me lekët e veta. Si puna e rrugës Thumanë – Kashar, që është ndërtuar me lekët e sipërmarrjes dhe sipërmarrja e ka ndërtuar duke marrë pastaj paratë e qarkullimit dhe e shlyen në vite. Por ama njerëzit kanë një rrugë për të qenë”.

Rama deklaroi se qeveria nuk ka dhënë as një lek, as për Pacollin dhe as çështjen e Bechetti.

“Ti je i gënjyer nga ata që të udhëheqin. Si mund të gënjehen në këtë farë feje mbështetësit dhe t’u thuhen të tilla gënjeshtra dhe të bëjnë ty për budalla?! Por popullin shqiptar nuk e bëjnë dot për budalla dhe ua kam thënë, sa herë kanë ardhur në Parlament pas zgjedhjeve: ndërroni qasjen, mos i merrni shqiptarët për budallenj se nuk i bëni dot budallenj. Mund të bëni individë, por popullin nuk e bëni dot budalla. Nuk më dëgjojnë. Por nuk e kam problem që nuk më dëgjojnë, ndaj do të fitojmë përsëri” tha Rama.

Burimi ATSH