Guvernatori i Bankës së Shqipërisë Gent Sejko deklaroi se, “inflacioni pritet të kthehet në objektiv 3% gjatë 2025”.

Në konferencën për mediet pas mbledhjes së Këshillit Mbikëqyrës të BSH-së, Sejko argumentoi se, “kjo ecuri do të ndihmohet nga stabilizimi i çmimeve në tregjet ndërkombëtare dhe ecuri më e qëndrueshme e kursit të këmbimit”.

“Një faktor që do të ndikojë në uljen e inflacionit gjatë 2025 pritet të jetë edhe ulja e çmimit të energjisë elektrike për familjet”, u shpreh Sejko.

Sejko u shpreh se, ekonomia shqiptare vijon në trend pozitiv rritjeje.

Guvernatori deklaroi se, “aktiviteti ekonomik pritet të rritet i nxitur nga zgjerimi i mëtejshëm i konsumit, investimeve, eksportit dhe turizmit”.

Ai vuri në dukje se tregues pozitivë janë të prishëm në afatmesëm edhe sa i takon rritjes së punësimit dhe pagave.

“Punësimi dhe pagat pritet të vijnë në rritje duke rritur mirëqenien”, tha Sejko.

Burimi ATSH